Čitava porodica u Kini osuđena na smrt
Sud u Kini osudio je danas na smrt 11 članova porodice Ming koja se bavila kriminalnim aktivnostima u Mijanmaru, javila je kineska CCTV.
TEKST SE NASTAVLJA ISPOD OGLASA
Desetine članova te porodice proglašeno je krivim za sprovođenje kriminalnih radnji, a mnogi od njih dobili su duge zatvorske kazne.
TEKST SE NASTAVLJA ISPOD OGLASA
Porodica Ming radila je za jedan od četiri klana koji su upravljali gradom Laukai, u blizini granice sa Kinom, pretvorivši ga u centar za kockanje, drogu i druge vrste kriminala, prenio je BBC.
TEKST SE NASTAVLJA ISPOD OGLASA
Vlasti Mijanmara uhapsile su veliki broj članova ovih klanova 2023. i izručile ih Kini.
Ukupno 39 članova porodice Ming osuđeno je danas u gradu Vendžou na istoku Kine, od kojih je njih 11 osuđeno na smrt, dok je 11 dobilo kazne doživotnog zatvora, javila je CCTV.
Ostali članovi porodice osuđeni su na kazne od pet do 24 godine zatvora.
Kako je naveo sud, oni su se bavili prevarama sa telekomunikacijama, ilegalnim kazinima, trgovinom drogom i prostitucijom.
Ovim kaznama, Kina signalizira rješenost da oštro postupa prema kriminalnim aktivnostima na svojim granicama, navodi BBC.
22° 10°
