Čivava proglašena za "opasnog psa"
Vlasti malog kanadskog grada Vindzor proglasile su Moli, čivavu težine 1,3 kilograma, za "opasnog psa" i naredile da joj se stavi brnjica, nakon što je ugrizla poštara, prenijeli su lokalni mediji.
TEKST SE NASTAVLJA ISPOD OGLASA
"Ne znam ni da li prave brnjice ove veličine. Mislim da je to blesavo. Pas je bukvalno veličine cipele", izjavila je vlasnica ove životinje Mici Skot.
TEKST SE NASTAVLJA ISPOD OGLASA
Problem je iskrsao kada je Moli, stara pet godina, ugrizla za članak poštara nakon što je umakla iz dvorišta kroz otvorenu kapiju.
TEKST SE NASTAVLJA ISPOD OGLASA
Prema zakonu, Moli je morala biti registrovana kao "opasan pas", a vlasnici moraju za nju da uplate polisu osiguranja, stave joj brnjicu i stalno je drže na povocu, prenio je AFP.
Vlasti su naredile porodici da na ulazna vrata kuće bude postavljena oznaka "Upozorenje: unutra je opasan pas".
Skot se žalila na ovakvu odluku, ali je žalba odbijena. Poštar je dobio antibiotičku kremu, jer je zadobio četiri male rane.
U Vindzoru sada postoje 24 psa koji su registrovani kao opasne životinje, a među njima je još jedna čivava. Ova je, doduše, teška čitavih 3,6 kilograma.
22° 10°
