Recept Džejmija Olivera za savršeno tijesto za picu

Svjetski poznati kuvar Džejmi Oliver ima recept za savršeno tijesto za picu koje će baš svaki put biti hrskavo i sočno pa će svi tražiti parče više.

Sastojci: pola kilograma brašna, prstohvat soli, jedna kesica suvog kvasca, dvije kašike maslinovog ulja, kašičica šećera

Priprema:

Pomiješajte brašno i so u dubljoj posudi. U čašu tople (ne vrele) vode umiješajte kvasac i šećer i ostavite otprilike 5 minuta da se kvasac digne. Zatim ga ubacite u posudu s brašnom i soli, dodajte još 300 ml vode i ulje i mesite rukama dok ne dobijete savršeno glatko tijesto.

Prebacite tijesto u veliku posudu, pospite ga brašnom i prekrijte krpom. Stavite je na toplo mjesto i čekajte otprilike sat vremena da se tijesto digne.

Nakon što je prošlo sat vremena, izvadite tijesto i gnječite ga rukama kako biste izbacili vazduh iz njega. Tijesto odmah možete iskoristiti ili ga možete umotati u foliju i staviti u frižider, piše Krstarica.